56" Koedoebul

[SAKO]

Dit was 'n GROOT VOORREG om die ou te kry, een van die dae herleef ons sy "legacy" in my braaikamer...

[Geno]

Baie baie baie baie moo!

[Louis10Botha]

waar het jy die monster raakgeloop Sako?

[henried]

Baie geluk!

[jamalley]

Baie mooi en baie geluk

[stan man]

baie mooi
as daardie horings nie so afgesluit was nie ,wonder ek wat sou die lengte dan gewees het.

[Jakkie 321]

Baie geluk.

Groette

[SAKO]

Kom ek vertel julle die mooi storie :

Ons het 'n ongeskrewe reël hier in die Wes Vrystaat dat geen koedoes geskiet word nie. Ons gee maar 'n deel van ons aartappel, mielie en lusern oeste prys om hierdie besonderse bokke free-roaming op ons plase te hê. Wat 'n voorreg om tussen hierdie klas bulle te kan boer! Ek het seker meer as 200 koedoes wat hier tussen ons lande woon sonder enige vrees of iets wat hulle pla - ons werk letterlik tussen hulle!

Ons glo dat omdat ons die natuurlike habitat agv ons boerderye eintlik "vernietig" , ons huurgeld aan die natuur behoort te betaal met ons vredeliewende gesindheid teenoor ons free roaming koedoes. Dis ongelooflik om te dink dat daar eendag in die wêreld vir ons nageslag ook van hierdie klas bulle sal wees om te sien en te waardeer. Ons het ook groot hektare natuurlike veld in wildkampe omskep, maar free roaming bly maar iets baie besonders en 'n erfenis om te koester.

Ek moes ongelukkig hierdie oubaas uitskiet agv 'n groot abses in sy agterbeen - die foto wys ook sy kondisie wat reeds baie agteruit gegaan het. My seuntjie kon die knop in sy Pa se keel sien en het sommer dadelik sy meegevoel betuig met : "Toemaar Pappa, ons het nog baie van sy boeties en sussies!" My 3-jarige raadgewertjie is gelukkig reg - hier is nog baie van sy broers en neefs wat sy besonderse gene sal oordra.

Ongelukkig het elke mooi storie 'n lelike kant ook : POACHERS. Ons kry die bliksems hier ook, nie krimenele nie, sommer gewone jagters (as mens na die goed kan verwys as jagters) wat na paar brandewyne lus raak vir koedoejag. My buurman het 'n week terug 'n soortgelyke bul opgetel wat 2 dae tevore geskiet is en net daar gelos is. Ons weet dis nie 'n goedkoop geweer wat gebruik is nie en het 'n goeie idee wie die manne is. Ons sal die etters nog vang en dan is tralies hul voorland... Jammer dat iemand met vrou en kinders agter tralies sal eindig omdat hy nie respek vir die natuur het nie!

Die silwer randjie bly egter dat hier steeds letterlik honderde koedoes buite ons wildkampe leef sonder dat enige iets hulle bedreig, hulle teenwoordigheid oor dekades wat kom sal die storie eendag vir ons kleinkinders vertel...

[VdWalt]

Baie mooi en baie geluk

[3006]

Pragtige bul, wat het met sy neus gebeur?

[ROBBIE1]

Baie mooie Sako, en dankie vir julle seining rondom die wild bewaring en voorsiening vir die toekoms, dis werklik iets om op trots te wees!

[Riaan Beeslaar]

Baie mooi en baie geluk Sako, 'n mens loop nie sommer elke dag so 'n bul raak nie

[Umshwati Boy]

Baie geluk. Maar nou is daar probleem met my droom elke aand, want jy het mos die Kudu in die droom geskiet.

[BRNO (Pierre)]

Mooi storie, en baie mooi gebaar van julle kant af. Kan dink dit is vrek nice om elke dag in so outjie vas te kyk.

[theedge]

Baie mooi en baie geluk.

[LongWolf]

Eish baie mooi.

[Jakes73]

Baie mooi bul Sako ... Voorwaar 'n groot voorreg soos jy tereg uitgewys het.

[SAKO]

Baie mooi bul Sako ... Voorwaar 'n groot voorreg soos jy tereg uitgewys het.

Jou "avatar" het self 'n oubaas op, hy hang sekerlik in jou lapa!

[mariusr]

Daai bul was op sy laaste as jy so na sy afgeslyte horings kyk! Was ou bul regte besluit gemaak! Geluk!

[Jaco Brink]

Geluk dit is 'n baie mooi bul

[SAKO]

Sy seun groei in my tuin...

[BLOUVALKIE]

oom. daai is n meneer kudu bul.geluk!!!

[vaalseun]

Baie geluk dis regtig n droom bul

[Ooploop]

Besonderse horings,baie geluk!

[Marc]

Baie geluk, daai man het darem lekker duk horings, dit was 'n goeie tyd vir hom om te gaan