PMP ProAmm groepering skiet kompetisie

[Fanta300]

Hierdie kompetisie eindig Saterdag met die Nationale Uitskiet by PMP in Pretoria.

Het net gewonder wie is die voorloper Jaracal lid. Sit bietjie julle beste groepering hier op.

Ek het 'n bottel rooi wyn wat ek sal skenk aan die wenner

[Fanta300]

Het niemand deelgeneem nie? Of drink niemand rooi wyn nie?

[VdWalt]

Het niemand deelgeneem nie? Of drink niemand rooi wyn nie?

Ek drink wyn maar PMP weet nie van 6.5mm nie...

[Riaan Kriel]

Ek het nie deelgeneem die jaar, te veel met van die plaaslike en streek SAJWV-skiete gebots, maar ek drink wel rooiwyn

[Johnnie De Wet]

Oom Fanta, wat het die 300 gemaak?

[Fanta300]

Ek was verlede jaar by Huntex (17.5 mm oor 75m) en laas maand by Potch (24.84 mm oor 100m) die kaliber wenner met my 300 WM.

Met die Howa .308 het ek darem 132e gekwalifiseer met 'n groep van 10.61mm. Ek dink nie dit is te sleg vir 'n bewerige ou man met PMP patrone nie.

Lyk my ek sal maar my bottel wyn alleen moet drink

Vereeniging-20140914-00133.jpg

[JPS]

Het oom Jakes nie ook al wengroep geskiet die jaar met sy 9.3 nie?

[Fanta300]

Ja met groep van 8.29

Hier is die volledige lys. Dalk herken julle iemand.

leaders13 ProAmm.pdf

[Riaan Kriel]

Dankie vir die lys, indrukwekkend as jy dink dit is fabrieks-ammo en nie "custom loaded ammo" nie. Sien die Du Randt's van Mareetsane se name op 'n paar plekke. Oom Jannie, sy vrou, hulle seuns met hulle vrouens doen ook glad nie sleg nie. As ek reg onthou het Jaco 2 jaar terug die Nationals gewen.

[Johnnie De Wet]

Ek het n 8.77 maar dit was op Huntex sê super lang baan. Sien hul het my naam weer verkeerd geskryf. Hoop nie hul meet soos hul spel nie...

[Capt. Yoda]

paar lekker groepe daar

1 Frans Fourie Snr 30-06 Springfield 150 1,80 Potchefstroom 5-Oct-13
2 Pieter Grobler Snr 243 Winchester 100 3,33 Cullinan 26-Jul-14
3 Hanne (w) Hurst Snr 7x57 Mauser 170 3,91 Ellisras 30-Aug-14

is nie te sleg as jy 850 skuts het wat kleiner as 20mm groepe skiet met daai pmp's nie

[BennieO]

Waneer ek so goeie groep skiet wonder ek altyd watter van die skote ek in die groep in getrek het.

[Fanta300]

Was iemand Saterdag by PMP? Sal graag wil weet wie het gewen.

[243Songdaug]

Na wat ek gehoor het het die wenner van die dag 'n 9.2x62 geskiet? Tweede plek het aan 'n 300WM skut gegaan.

[Fanta300]

9.2 of 9.3? Jakes Neveling skiet met 9.3

Wonder wat het toe met die .308's gebeur?

[Capt. Yoda]

hulle inherente akuraatheid is eers opalalas

[243Songdaug]

9.3 ek meen - Dankie Fanta

[Jakes]

Hi

Ek het die nationals gemis was in die hospitaal.

Dit sou die eerste keer gewees het dat daar n PMP span (4 lede)kon deel neem maar toe drop ek hulle.

Ek het 8.29 met die 9,3 geskiet, ek het in September met n oefening onder 7mm geskiet.

Fanta stuur vir my jou email address dan stuur ek die national uitslae wat jy dan kan post.

[Fanta300]

Hallo Jakes,

Jammer om te hoor jy kon nie daar wees nie. Ek self kon dit nie maak nie.

Ek het die uitslae aangeheg. Al het die "Inhirente Akkurate Gewere" nie gewen nie, maak hulle darem so amper 50% van die top honderd uit

Ek dink in elk geval jy wen die bottle wyn wat ek opgesit het vir die beste Forum Lid, so ek sal uitkyk vir jou.

Fantie

PROAMM NATIONALS GLOBAL RESULTS-2014.pdf

[30-06]

More manne.

Ek het nogal gewonder watter ammo word vir die kompetisie gebruik.

Ek sien julle praat van fabrieks ammo.

Word die ammo random gekies of darem bietjie uitgesoek?

Die rede vir my vraag is die volgende.

Indien fabrieksammo so presteer en jy herlaai met proamm punte behoort jy mos teoreties net so goed en beter te kan doen.
My ondervinding is dat proamm punte goed in die jagveld presteer.
My bekommernis was "akkuraatheid", maar met sulke resultate behoort daar mos nie 'n problem te wees nie.
Ek vermoed hulle bc is maar swak, maar met sulke resultate moet jy jou dan veel oor bc bekommer?

Sal graag hoor wat julle dink.

[Eduard Venter]

Môre 30-06

Ek herlaai gewone PMP en proamm punte. Tot op 100m kry ek baie goeie akkuraatheid, nog nie verder probeer nie. Ek gebruik hulle wel net vir jag doeleindes.

Groete

Sent from my LG-H735 using Tapatalk

[Fanta300]

Hier is die uitslae van hierdie jaar se finaal

http://www.jaracal.com/viewtopic.php?f=135&t=52892

[Supacow]

2014 uitslae

[30-06]

Dankie Eduart.

Ek dink ek gaan hulle ook probeer.

[PWV]

Dit is weer tyd vir hierdie kompetisie. Daar is egter graag iets wil weet t.o.v. die beperkings.
Onder andere, word genoem dat knaldempers nie toegelaat word nie.
Met toenemende beperkings wat deur jagplase gestel word, n. dat knaldempers verpligtend is, wonder ek waarom knaldempers verbied word by hierdie kompetisie.
Weet iemand hoekom?