Maak jou eie mes

[243Songdaug]

Hys nogal ietwat pricey, maar nadat ek die wiskunde gedoen het en die koste bereken het wat dit my sou kos om my draaibank, freesmasjien en myself natuurlik uit produksie te haal om 'n skuurder te bou sou ek verloor op die deal - toe hoes ek maar.

[Jake1]

Ek het hulle gou gebel, die 3 wiel belt grinder kos nou R7600. Vir my is dit bietjie rof op die stadium.

[Viking]

Julle pros maak die pap nou suur met daardie hoë kostes wat geen beginner kan bekostig nie.

Die draad is juis om die rookie diy mesmakers uit te daag om self iets te probeer maak wat na n mes lyk.

Kom ons deel tegnieke en raad wat dit bevorder en hou dit so eenvoudig moontlik.

[Jake1]

Viking ek glo Rookies sal wil weet wat kos die regte masjinerie.

[243Songdaug]

Jake1 - net om jou baie moeite, navoring en tyd te spaar - betaal die ekstra R3000 en bestel die 3 wiel met die verstelbare spoed opsie. O ja, moenie vergeet dat jy nog skuurbande ook moet koop nie teen R30 elk en jy gaan 'n paar nodig kry.

Sorry man Viking - my bedoeling was nie om enigeen te ontmoedig om self 'n mes te wil bou nie - elkeen van ons doen maar 'n ding op sy manier, omrede ek 'n uiterste perfeksionis is en 'n redelik pyn in die g@t kan wees as dit by my werk kom is dit my motto om die regte tools te koop, want ek ken myself - as ek 'n mes bou moet hy soos Dries101 se messe lyk of ek gaan nie tevrede wees nie.

Net vir ingeval enigeen dalk belangstel: Herbst knives bied 'n 2 dag kurses aan om messe te bou - jy kan ook die litteratuur van hulle aankoop indien jy belangstel. Hulle bied verskillende kursesse aan - vaste lem asook vou lem kursesse.

Mesmaak is 'n ongelooflike lekker tydverdryf - ek ken manne wat met die mees basise gereedskap messe gou en hulle is baie tevrede met wat hulle uitsit.

[Jake1]

Meneer 243 jy lei my in die versoeking...

[Dries101]

Die realiteit is toe ek 7 jaar terug tools gekoop het was dit duur. Dit is nogsteeds duur en gaan nie goedkoper word nie. My advies koop n verharde blank van oorsee af aan. Gaan deur die handvatsel maak en skede maak proses. As jy nogsteeds dink jy hou daarvan gaan doen n kursus by the Harveys of Herbsts.

[Hein M.]

Hier is 'n paar lekker mooi templets en tips:

http://dcknives.blogspot.co.za/p/blog-page_13.html

[JJV]

Myne is work in progress, sukkel om gate te boor, so dis hopelik goeie teken oor die hardheid vd saaglem. Sal beslis volgende keer ordentlike staal koop en selfde stappe volg.[IMG]//uploads.tapatalk-cdn.com/2016081 ... fe6a73.jpg[/IMG]


Sent from my iPhone using Tapatalk

[Dries101]

Try tapping/cutting oil- as daai winkel nie werk nie. Gaan koop n teel boor by builders of as jy n dremel het kan jy deurgrind met daai rooi klippies- hou net die staal koud.

[Andre308]

Myne is work in progress, sukkel om gate te boor, so dis hopelik goeie teken oor die hardheid vd saaglem. Sal beslis volgende keer ordentlike staal koop en selfde stappe volg.[IMG]//uploads.tapatalk-cdn.com/2016081 ... fe6a73.jpg[/IMG]


Sent from my iPhone using Tapatalk

Gaan na n engineering winkel toe soos nesco of mesco, en koop vir jou n cobalt boor punt.

Cobalt boor punte kom in verskillende grade van hardheid. 8% cobalt is die hardste, maar ek glo n 5 tot 6% cobalt sal werk vir daardie lem.

N drill press met n baie goeie cutting fluid sal jou help om nie die boorpunt te straf tydens die proses nie.

As jy is die kaap was, dan het ek hom gou vir jou geboor, maar sterkte.

[Johan Nel]

Net 'n vraag in my onkunde. Hoe moeilik is dit om koolstof staal soos die saaglemme wat jy gebruik Viking, sag te maak deur dit te verhit in 'n gasvlam en dan te skuur, sny en boor tot 'n bepaalde punt en dan daarna weer te verhard en te te temper?

[Dries101]

Johan dit is nie baie moeilik nie in prinsiep. Praktyk sal n mens die hele lem verhit tot non magneties en laat afkoel tot swart hite- mens doen dit drie keer om die grein struktuur van die staal te verfyn. Met die laaste verhit slag druk jy hom in cement poeier of hout as en laat hom daar le tot hy yskoud is. Dit vat n hele paar ure.
Dan is is so sag soos hy gaan kom. Dan om te verhard maak jy hom weer warm tot non magneties en gee hom bietjie meer hitte na daai punt vir so 30 sekondes.
Dan gaan hy in die olie in of die hele lem of net die edge so halfpad die breedte van die lem, as die lem se kleur swart is na so paar sekondes dan gaan die hele storie in die olie in todat hy klaar verhard het, vat gewoonlik so 20 sekondes.

Dan sou ek hom in die kombuis oond sit teen 180 grade vir n uur- uithaal en los tot kamer temp- herhaal 2-3 keer. Die was die proses vir 5160- nou ek kan nie vir jou se watse tipe olie jy moet gebruik of teen watter temp en hoe lank hy ge temper moet word in die oond nie-aangesien dit onbekende staal is.

[Viking]

Johan as jy die saaglem wil temper is Dries se beskrywing en metode die beste opsie.

Ek geniet dit meer om met die saaglemme te speel en verskillende tipe mes profiele te oefen aangesien jy nie nodig het om die lem te temper nie. Dit help my ook om verskillende goedkoop hout handvatsels te pas.

My ervaring met die round head mes (vir leerwerk) het my oortuig die saaglemme KAN n edge hou. Ek strop net die lem gereeld as ek leerwerk doen en hy is vlymskerp.

20160806_090505_resized.jpg

[Viking]

Het in my agterkop nog n idee vir n diy temper oondjie van gewone koffieblik uitgevoer met sement en gips mengsel...

Hier het ek n eenvoudige "furnace" gekry...nou moet hy net gemaak word

https://youtu.be/jBVa2bw3r_k

[Johan Nel]

Dankie Dries en Viking. Dalk byt ek meer af as wat ek kan kou, maar ek wil tog probeer en kyk wat gebeur. Ek het gedink om vir eers met vyle weg te spring en sien hoe vorder ek. Aansienlik stadiger as met elektriese skuurmasjiene, maar ook goedkoper (en as ek fout maak, doen ek dit stadiger.. ). Niks jaag my nie, maar dan wil ek die staal probeer versag sodat ek nou nie heeltemal vir ewig vyl nie.
Sal laat weet as ek wegspring.
Ek het al na verskeie van die manne se youtube DIY oondjies gekyk en ook gedink dis hoogs uitvoerbaar.

[Johan Nel]

Die staal wat ek wil gebruik is ook maar 'n saaglem en grassnyer lem . Ek dink egter ek gaan binnekort 'n kursus by een van die mesmakers vasmaak. Ek glo ek het die vermoë om 'n mes te bou, dit sal egter help om die nodige vaardighede so gou moontlik onder die knie te kry.

[Hein M.]

Hierdie ou het duidelik ook sy eie masjien gemaak om die mes se "bevel" mee te grind. Werk baie mooi.

https://www.youtube.com/watch?v=D6-1EJuJj_E

Daar is ook ander baie oulike videos op die blad. Ek leer baie en raak nou baie entoesiasties

[243Songdaug]

Die man laat dit so maklik lyk!

[Viking]

Hierdie ou het duidelik ook sy eie masjien gemaak om die mes se "bevel" mee te grind. Werk baie mooi.

https://www.youtube.com/watch?v=D6-1EJuJj_E

Daar is ook ander baie oulike videos op die blad. Ek leer baie en raak nou baie entoesiasties

Hein

Jy het my opgewonde gemaak oor die SAPCO lem...en nou is jy stil?

[Hein M.]

Hierdie ou het duidelik ook sy eie masjien gemaak om die mes se "bevel" mee te grind. Werk baie mooi.

https://www.youtube.com/watch?v=D6-1EJuJj_E

Daar is ook ander baie oulike videos op die blad. Ek leer baie en raak nou baie entoesiasties

Hein

Jy het my opgewonde gemaak oor die SAPCO lem...en nou is jy stil?

Het 'n PM gestuur. Sal later 'n foto opsit van my "poging"

[Jake1]

Weet iemand of hierdie belt grinding wheels met rubber op n universal tipe wiel is of word dit net vir mesmaak gebruik?

[Dries101]

Jake dis maar n mesmaak ding- jou wiele is jou duurste uitgawe- budget maar op so 3000-4000 rand vir wiele. Gooi 1800 in vir n motor en skielik is dit goedkoper om n masjien te koop by Herbst en hy werk....

[Jake1]

Dries jys reg ek het hom alle kante toe bekyk, Hy kos R7600, my probleem is as ek n paar rand bytel by dit dan kan ek n 6.5 koop, en ek probeer myself hard oorreed ek het nie nou die geld vir een van die 2 nie ......

[JTM]

So bietjie weer tyd spandeer en verder aan die hef gewerk. Ek is amper reg om hef te begin epoxy en dan te begin vorm.

14713732184730.jpg

14713732305611.jpg