Amp Annealer

[30-06]

Goeie more.
Ek het n klomp van my 308 doppe met n Amp Annealer laat doen.
Ek wou juis hierdie doen om die doppe reg te kry vir n ladder toets.
Die spoedverskil wat ek met die doppe gekry het was baie groot en het glad nie sin gemaak nie. Wat sou die oorsaak kon wees.
Ons het en dop gebruik om kode te kry.
Die kode wat ons vir 308 lapua doppe gekry en gebruik het was 0160.
Wat sou die oorsaak wees van die baie groot spoedverskille. Doppe is nie in water gegooi na anneal nie.

[Capt. Yoda]

Die lys van goed wat kan bydra is myle lank, anealing (veral as julle met AMP aneal het) is amper heel onder op die lys van goed waar na ek sou kyk as ek met so probleem gesit het.
Om te begin is die doppe uit een batch uit en is dit nuwe doppe?

[30-06]

Nee die doppe is al n paar keer geskiet.
Die spoed variasie voor die anneal proses was heeltemal aanvaarbaar/ normaal
Dis al in die proses wat verander het.

[Geno]

Wat was die stappe wat gevolg is? Is die doppe eers anneal, en toe gesize? Waarmee gesize?

[Capt. Yoda]

Is dit n lading wat jy van tevore geskiet het waar julle nou die doppe aneal het en nou skiet hy nie meer mooi nie (groot ES)?

[30-06]

Ek gebruik lee dies full size.
Ek wou juis n ladder toets doen, daarom gedink dis n goeie idee om te anneal.

Het 18 ladings gelaai met .2g verskil.
Probleem is spoed het so rondgespring dat ek geen afleidings kon maak nie

[30-06]

Ek het naweek weer met die doppe gaan skiet met nuwe kruit.
VV540 spoed was soos volg.
2735,2753,2770 met labradar
Die snaakse ding was dat die groep baie klein was en dit maak nie sin nie.

[jdpretorius]

Hoe seker is jy daai Lab lees reg

So ruk terug is daar n ou saam my op die baan met n trusty Lab (so 2 banke weg)....daai Lab spoeg toe n spoed uit van oor die 200fps stadiger as wat my spoed werklik is. Die ou sukkel toe ook glo om van sy spog ketties lekker 1/2" te laat skiet, alowel hy veronderstel is om op/baie naaby n node te wees......

Sent from my SM-A536E using Tapatalk

[30-06]

Ek neem maar aan lesings is reg.
My probleem is met daai spread sou ek nie so n groep verwag nie. Dalk was dit maar net luck my plan is om dit weer te try en kyk of resultate nog so lyk.

[Toyrsi]

Die belangrikste is dat jy doppe moet size na die anneal proses. Anders gaan jy klomp veskillende nekspannings kry soos die brass ontspan na die anneal proses.

[Capt. Yoda]

Groep grote en ES/SD op normale afstande het niks met mekaar uit te waai nie

[Yogi]

Hoeveel doppe het jy agter mekaar anneal met die AMP? Hoe warm was jou vertrek, veral nou in die somer?
Het jy doppe gelaai wat na mekaar anneal is of dalk dop1 wat anneal is en dan dop 80?

[JPS]

Groep grote en ES/SD op normale afstande het niks met mekaar uit te waai nie

Stem saam

[JF123]

Hoe vèr laai jy jou koeels van die groewe af; minder as 0.010"?