Watter sosatie spice / resep gebruik jy?

[Chris (vdB)]

More manne

Ek wil graag by julle hoor watter resep of spice julle gebruik om sosaties mee te maak. Gewoonlik maak ek sommer biltong van my wild se sirlions en fillets, maar die keer het ek die Gemsbokke se fillets en sirlions gehou met die idee om bietjie sosaties met dit te maak. Nou wil ek graag hoor watter spice julle gebruik, want daar is redelik n' verskeidenheid om van te kies tussen Crown en Freddy Hirch. Die meisie by Freddy Hirch se die mense is blykbaar lief om hulle OVS sosatie spice te koop, en ek het al gehoor manne praat goed van hulle Something Chunky spice ook.

Ek hoor graag van julle

[Malan123]

Chris, ek laat le my blokkies vleis in 'n mengsel van Worchester sous en heuning oornag. Spice hom dan met enige lekker barbeque spice (ek het al paar keer woolies sn gebruik). Loop diep lekker. Gaan kyk onder resepte hier op die forum - het reeds hierdie outjie daar uitgekrap

[cassie_calvinia]

Daar is die ou boere resepte.
daai kerrie reuk wat jy kry by die kerk se besaar.
maar om maklik te maak, freddie hirch verkoop baie souse. rooiwyn en garlic loop mooi saam met wild.
daar verskeie opsies. marineer vir 3 dae. dan vacuum jy

[Capt. Yoda]

Daai besaar Kerrie resep, iemand hier moet hom seker he. Ek weet hy vat lank om af te kook maar dis die pad om te gaan, lekker uie en vet tussen die vleis en laat hul 3 dae le soos Cassie se.

[Chris (vdB)]

Dankie julle, ek het hier in die argiewe op n' resep van Danie Lombard ook af gekom, gaan hom probeer en daai heuning een ook.

[Capt. Yoda]

Julle het my dam self nou reg om n paar sosaties vanaand te braai

[Chris (vdB)]

Julle het my dam self nou reg om n paar sosaties vanaand te braai

Wanneer is julle eerste jag Cappie?

[Lategan1]

Julle het my dam self nou reg om n paar sosaties vanaand te braai

Jy het nie genoeg tyd om hulle in te lê nie…

Beste.

[Francoisv]

Kerrie Sosatie resep.

Bestanddele
8 Uie sny in ringe
2 eetlepels Kerriepoeier
1 e Borrie
4 eetlepels Suiker
2 eetlepels Maziena
2 koppies Asyn
2 koppies Water
1 koppie Blatjang
1 koppie Appelkooskonfyt

MAAK SO:
Braai die uie, voeg Kerrie, Borrie, Suiker en asyn by, Meng die Maziena en water. Voeg by mengsel en bly verhit en sodra begin borrel voeg Blatjang en Appelkooskonfyt by. Kook deur en sit af. Gooi oor jou vleis en roer elke dag om. Die lekkerste is as jy dit sewe dae laat marineer. • Terloops, varkvleis maak fantastiese sosaties. Rump en skaap die beste.

Shoot straight

[jankraay]

Hy is n wenner!! Springbok sosaties baie lekker gemaak.


Sent from my iPhone using Tapatalk

[Nico Harris]

Daai sous wat jan opgesit het wen!

[Chris (vdB)]

Crown behoort seker more oop te wees?

[Johan Nel]

Ek gebruik 'n resep baie soortgelyk aan fransoisv s'n.
Soos hy aanbeveel, moet die vleis lank genoeg daarin marineer om die geure te ontwikkel. Ek hou daarvan om die vleis in blokke te sny, oornag in die yskas te marineer in die sosatiesous, en daarna die vleis en sousmengsel te vakuumverpak en te vries. Wanneer ek dit wil gebruik, ontvries ek dit en steek die vleis op sosatiestokkies saam met die ander items wat ek wil bysit, hetsy groente, dun skaapvetblokkies, etc.

[cassie_calvinia]

miskien eendag vir die regte prys deel ek die resep

[Chris (vdB)]

My kerrie is gemaak. Nou moet die vleis net klaar ontdooi

[Chris (vdB)]

Nou moet hulle le tot volgende naweek

[Francoisv]

Terwyl jy besig is...

2. koppies meel
2t bakpoeier
½t koeksoda
4 eiers
½t sout.
1t kaneel
1/2 koppie suiker
2e botter liggies gesmelt
⅓k melk
20ml olyfolie.
4 soetmielies
1 blikkie room mielies

Meng meel, bakpoeier, sout en suiker.
Klits eiers, botter, melk, olie en kaneel saam.
Meng saam en roer goed om deeg te vorm.

Sny pitte van soetmielies af. Maal saam met roommielies.
Meng alles goed saam

Smeer broodpannetjie, maak half vol en bak vir ongeveer 40min@180gradeC.






.



Shoot straight

[sako 30-06]

Chris daai sosatie sous lyk baie lekker, dink dit gaan n wenner wees.

[Albert84]

Sent from my iPhone using Tapatalk

[Chris (vdB)]

Chris daai sosatie sous lyk baie lekker, dink dit gaan n wenner wees.

Dankie Sako, ek het sommer met n' lepel so aan hom geproe, dit is baie lekker.

[Chris (vdB)]

Dankie vir almal se resepte, ek sal nog van die ander resepte ook toets.

[Geno]

Ek meng Crown se Something Chunky Sosatie en BBQ 50/50 en gebruik slegs rustring vleis in blokkies vir my sosaties. Hy is baie lekker!

[Lategan1]

Dit was nou lekker om te volg… net die wagperiodes gaan my vang

Beste.

[HeinM]

Na baie kerrie resepte, is Jan Braai sin vir my die mees aanvaarbaarste. https://braai.com/curried-pork-neck-chops/ Net my 2c

Mooi langnaweek aan almal

[Chris (vdB)]

Dit was nou lekker om te volg… net die wagperiodes gaan my vang

Beste.

So tussen deur word daar nog gestoei met die wors ook